Баш бит > Яңалыклар > Төркия нәшрияты мөфтияттә китап бастыру тәҗрибәсе белән уртаклашты

Төркия нәшрияты мөфтияттә китап бастыру тәҗрибәсе белән уртаклашты

30 май 2017 ел 13:45

Татарстан мөфтие Төркиядә эшләп килүче "МЕГА Басым" нәшрияты вәкиле белән очрашты. Камил хәзрәт Сәмигуллин һәм Ферхат Чевик үзара хезмәттәшлек урнаштыру мөмкинлекләрен карадылар. Ферхат бәй мөфтине китап бастыру тәҗрибәсе белән таныштырды, басма үрнәкләр күрсәтте һәм берничә эшлекле тәкъдим ясады. Очрашу нәтиҗәсендә "МЕГА Басым" нәшрияты һәм "Хозур" нәшрият йорты арасында уртак басма проектлар булдыру турында килешенде. Алар арасында - дини, уку-укыту әдәбияты һәм бүләкләү максатында чыгарылучы китаплар. Мөфтинең игътибарын Коръәннең "Казан Басмасын" югары дәрәҗәдәге сыйфатта бастыру мөмкинлеге аеруча җәлеп итте.