Марокко шәехе Югары Ослан мөхтәсибәте мөселманнары белән очрашты

Кичә Югары Ослан мөхтәсибәте Диния нәзәрәтенең яшьләр белән эшләү бүлеге белән берлектә Рәсүлебез (с.г.в.) нәселеннән булган шәех Габдерәхим Лакрим белән очрашу үткәрде. Шәех үзенең чыгышында  ислам диненә чакыру, дингә өндәү ысуллары турында сөйләде, күпсанлы сорауларга җавап бирде. Очрашуда район мөхтәсибе Гали хәзрәт Җиһаншин, имамнар, мәчет картлары,  мәчетләр каршындагы курсларга йөрүче мөслимәләр, укучы балалар катнашты. Чара мөхтәсибәт тарафыннан мөселман кафесында оештырылган төшке аш белән төгәлләнде.