14 нче мартта сәг. 10.00-дә Диния нәзарәте бинасында Казанда 13 нче Республикакүләм ифтарны үткәрүгә багышланган матбугат конференциясе узачак. Журналистлар белән очрашуда Татарстан Мөфтие Камил хәзрәт Сәмигуллин, «Ак Барс Арена» стадионы генераль директоры Радик Миңнәхмәтов, «Туган авылым» милли-туристик комплексы җитәкчеләренең берсе Радик Абдрахманов, «Казан Экспо» халыкара күргәзмәләр үзәге генераль директорының беренче урынбасары Игорь Астафьев, Диния нәзарәте аппараты җитәкчесе Ирек Арсланов катнашачак.
13 нче Республикакүләм ифтар Казанда 2025 елның 19 мартында «Казан Экспо» Халыкара күргәзмә үзәге мәйданчыгында узачак һәм 13 000 мең кешене җыячак. Быел ифтар Россиядә һәм Татарстанда игълан ителгән Ватанны саклаучылар елы кысаларында, шулай ук Бөек Ватан сугышында Җиңүнең 80 еллыгы билгесе белән узачак. Журналистларны матбугат очрашуына килергә һәм ифтар уздыру турында тәфсилле мәгълүмат алырга чакырабыз.
Аккредитацияне 89050267138 телефоны аша узарга мөмкин. Чара Диния нәзарәте бинасында Г.Тукай ур., 38 адресы буенча узачак. Иртәнге сәг. 10.00-дә башлана.
