Зөлхиҗҗә аеның 19 нчы көнендә (15 июньдә) Татарстан Мөфтие Камил хәзрәт Сәмигуллин Тукай мөхтәсибәтенә эш сәфәре кылды һәм шәһәркүләм Корбан бәйрәме һәм имамнар җыелышында катнашты.
Корбан бәйрәме Новый бистәсендә узды. Мөхтәсибәт анда катнашучылар өчен мәдәни программа, сыйлар, аттракционнар, күргәзмәләр әзерләгән.
Сәфәр кысаларында Камил хәзрәт район имамнары җыелышында катнашты: алар барысы да бертавыштан Тукай районы имам-мөхтәсибе итеп Инсаф хәзрәт Сәүбәновны сайлады
Моннан тыш, Камил хәзрәт имамнар белән бергә Мәңгелек ут янында Бөек Ватан сугышы каһарманнарын искә алды һәм махсус хәрби операциядә хезмәт итүче сугышчылар һәм һәлак булганнар өчен дога кылды.
