Буа мөхтәсибәте Ташкичү авылында булды

14 декабрьдә Буа мөхтәсибәте вәкилләре Ташкичү авылы мәдәният йортында үткәрелгән Мәүлид кичәсендә катнашты. Чарада имам-мөхтәсиб Илмир хәзрәт Хәсанов, Буа шәһәренең Хаҗилар мәчете имамы Фәһим хәзрәт Сөләйманов, җирле үзидәрә башлыгы Радик Вәлиев бар иде. Илмир хәзрәт килгән авылдашларга Пәйгамбәребезнең  ﷺ иң камил кеше икәнлеге турында сөйләде. Кичә дәвамында Фәһим хәзрәт исә яшьләргә үзенең нәсыйхәтләрен җиткерде. Авыл имамы килгән кунакларга рәхмәтләрен әйтте, авыл халкын җомга намазына килергә чакырды. Чара Мәүлид табыны белән авыл мәчетендә дәвам итте.