Түбән Камада мохтаҗларга корбан ите өләшүне дәвам итәләр

Сигез йөздән артык түбәнкамалы быел мөхтәсибәт исеменнән корбан ите алды. Итләрне өләшү дәвам итә. Корбан итләре тутырылган пакетларны инвалидларга, ятимнәргә, күп балалы гаиләләргә тапшырдылар. Итне алырга мәчеткә килә алмаучылар өчен итләр адрес буенча таратыла. Хәйрия акциясенә мәктәп балалары, волонтёрлар кушылды. Мисал өчен, “Ихсан” рухи үзәге җитәкчесе Марат хәзрәт Хафизов җитәкчелегендә 2 кг корбан ите егермедән артык өлкән яшьтәге ялгыз яшәүче пенсионерга таратылды.