"Хозур" нәшрият йорты Габдрахман Карабашиның "Китәбүт-тәҗвид" хезмәтен бастырды

Татарстан Диния Нәзарәтенең "Хозур" нәшрият йорты Габдрахман Карабашиның "Китәбүт-тәҗвид" хезмәтен бастырды.
Тәүге тапкыр әлеге китап ХХ йөз башында дөнья күреп, күп кенә төрки халыклар арасында таралган булган.
"Китәбүт-тәҗвид"тә кыскача тәҗвид (Изге Коръәнне уку кагыйдәләре) аңлатыла, авазларның мәхраҗлары, ягъни дөрес укылышы, әйтелү урыннары тасвирлана.
Китапка гарәп имләсендә Казан шәһәрендә 1906 елда бастырылган текст нөсхәсе һәм аның хәзерге әдәби татар теленә тәрҗемәсе кергән.