Чүпрәледә Пәйгамбәребезне зурладылар

14 декабрьдә Чүпрәленең җәмигъ мәчетендә  мәүлед кичәсе  булып узды. Мәҗлесне Чүпрәле имам-мөхтәсибе Рөстәм хәзрәт Рәкыйпов ачып җибәрде. Ул барчасын мәүлед ае белән тәбрик итте. Мәүлед табынында Буа районы имам-мөхтәсибе Илмир хәзрәт Хәсәнов, Буа “Хаҗилар” мәчете имамы Фәһим хәзрәт Сөләйманов та катнашты. Илмир хәзрәт Хәсәнов җәмәгатьне мөбәрәк ай белән котлады. Пәйгамбәребез Мөхәммәд с.г.в.нең иң күркәм шәхес икәнлеген аңлатты. Фәһим хәзрәт динебез - иң камил дин икәнен бәян итте. Мәчет имамы  Гомәр хәзрәт Рәкыйпов барча кунакларга үзенең исеменнән рәхмәтләрен җиткерде.